БҰҰ: Газа балалар зиратына айналды

БҰҰ Балалар қорының ресми өкілі Джеймс Элдер Газадағы жағдайға тоқталып, анклавта 3,5 мыңға жуық баланың қаза тапқанын айтты, деп хабарлайды KAZ.NUR.KZ.

"Біздің өлген балалардың саны ондаған, содан кейін жүздеген және соңында мыңдаған болады деген қорқынышымыз екі аптаның ішінде расталды", - деді Элдер ЮНИСЕФ сайтындағы мәлімдемесінде.

Оның айтуынша, балаларға қауіп тек бомбалар мен минометтермен шектелмейді – Газада миллионнан астам бала су тапшылығын бастан кешуде. Ол сусызданудан болатын жаппай өлім қаупінің күшеюіне алаңдайды.

"Газа мыңдаған баланың зиратына айналды. Қалғандары үшін бұл нағыз тозақ", - деді БҰҰ Балалар қорының ресми өкілі.

Ол атысты тоқтатуға, сондай-ақ су, азық-түлік, дәрі-дәрмек және отын сияқты гуманитарлық көмекке қауіпсіз, тұрақты және кедергісіз қол жеткізу үшін барлық бақылау-өткізу пункттерін ашуға шақырды.