Зеленский кеңсесінің басшысы 2024 жылды Ресеймен соғыста шешуші жыл деп мәлімдеді
Опубликовано:
Келер жыл Украина үшін Ресеймен соғыстағы шешуші жыл болуы мүмкін. Бұл туралы Украина президенті Владимир Зеленский кеңсесінің басшысы Андрей Ермак айтты, деп жазады Bloomberg.
"(Қақтығыстағы - ред. ескертпесі) шешуші сәт жақындап келе жатыр", - деді ол Вашингтондағы Гудзон институтында өткен шарада.
Ермактың айтуынша, Украина қарулы күштері алға жылжып жатыр, ал Зеленский жеңіске жету жолын біледі.
Ермак Вашингтонда бұған дейін қолдау алу мақсатында АҚШ, Германия, Ұлыбритания және Франция ұлттық қауіпсіздік кеңесшілерімен кездескенін айтты. Онымен кездесуге қатысқан америкалық саяси тұлғаларының арасында АҚШ мемлекет хатшысы Энтони Блинкен де болды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2045682-zelenkii-kensesinin-bassysy-2024-zyldy-reseimen-sogysta-sesusi-zyl-dep-malimdedi/