Дания патшайымы жаңажылдық құттықтауында күтпеген жерден тақтан бас тартты

Дания патшайымы II Маргрете ұлтқа жаңажылдық үндеуінде күтпеген жерден тақтан бас тартқанын жариялады.

Тақтан бас тарту рәсімі ресми түрде 14 қаңтарда, ол патшайым болғаннан бері 52 жыл толғанда болады. Маргрете кеткеннен кейін оның тұңғыш ұлы, тақ мұрагері Фредерик патша болады.

"Мен тақты ұлыма, мұрагер ханзада Фредерикке қалдырамын", - деді ол.

83 жастағы II Маргрете - Дания тарихындағы ең ұзақ басқарған монарх, ол 1952 жылы әкесі IX Фредерик король қайтыс болғаннан кейін таққа отырған.

Британдық корольдік дәстүрден айырмашылығы, 55 жастағы тақ мұрагері Фредериктің ресми таққа отыру рәсімі болмайды. Оның орнына, сол күні сарай оның таққа отырғанын жариялайды.

Королева Маргрете - Даниядағы танымал тұлға және көптеген даниялық оны қайтыс болғанға дейін тақта болады деп күткен. Жыл сайын жаңа жыл қарсаңында ол теледидардан сөз сөйлейтін.

Биыл күтпеген мәлімдемесінен басқа, ІІ Маргрете Таяу Шығыс пен Украинадағы соғыстар туралы және климаттың өзгеруін шешудің маңызы туралы айтты.

Еуропадағы басқа корольдік отбасылар сияқты қазіргі қоғамның проблемаларына тап болған Дания корольдік отбасы корольдік отбасы мүшелерінің санын азайтуға шешім қабылдады. Бұл өткен жылы Мұрагер Князь Фредериктің інісі Ханзада Йоахимнің балалары өз корольдік атақтарынан айырылғаннан кейін корольдік отбасында көпшіліктің бөлінуіне әкелген.

Мәтіннен қате тапсаңыз, бізге жазыңыз