Еуропа одағының өз әскерін құру ұсынылды

Италияның сыртқы істер министрі Антонио Тайани Еуропа одағының біріккен қарулы күштерін құру қажеттілігі туралы мәлімдеді, деп хабарлайды Deutsche Welle.

Жексенбіде, 7 қаңтарда Италияның сыртқы істер министрі Антонио Тайани өзінің сұхбаттарының бірінде ЕО бітімгершілік миссиялары мен әлемдегі қақтығыстардың алдын алу мақсатында өзінің біріккен қарулы күштерін құруы керек деп мәлімдеді. Тайани өз армиясын құру "тиімді еуропалық сыртқы саясатты жүзеге асырудың негізгі шарты" деп санайды.

"АҚШ, Қытай, Үндістан, Ресей сияқты қуатты ойыншылары бар әлемде дағдарыстар Таяу Шығыстан Үнді-Тынық мұхиты аймағына дейін созылып жатқан әлемде италиялық, неміс, француз немесе словен азаматтарын тек бұрыннан бар нәрсе, атап айтқанда Еуропалық одағы қорғай алады", - деп атап өтті ол.

Таяни сонымен қатар Еуропа елдерінің қорғаныс саласындағы тығыз ынтымақтастығы өзі басқаратын "Алға, Италия" (Forza Italia) партиясы үшін басымдық екенін баса айтты.

Италия СІМ-нің қазіргі басшысы Антонио Тайани 2023 жылы партияны бұрын басқарған Сильвио Берлускони қайтыс болғаннан кейін бас партиялық қызметке кіріскен.

Еуропа одағынң ресми сайтындағы ақпарат бойынша, 1951 жылы алты ел (Бельгия, Франция, Германия, Италия, Люксембург және Нидерланды) Еуропалық көмір мен болат қауымдастығын құрған. 1958 жылы ол Еуропа экономикалық қауымдастығы (ЕЭК) деп аталды, ал 1993 жылы оның атауы Еуропа одағы болып өзгертілді.

Уақыт өте келе алғашқы алты елге тағы 22 мемлекет қосылды. 2020 жылдың 1 ақпанында Ұлыбритания ЕО-дан шықты. Қазіргі уақытта ЕО-ға 27 ел мүше.