Қытайда өрттен 40-қа жуық адам қаза тапты (видео)

Қытайдың Цзянси провинциясындағы Синюй қаласында алапат өрттен 39 адам қаза тапты, деп хабарлайды "Синьхуа" агенттігіне сілтеме жасаған KAZ.NUR.KZ.

Агенттіктің хабарлауынша, сәрсенбіде түстен кейін Қытайдың шығысындағы Синюй қаласындағы ғимараттан өрт шығып, 39 адам қаза тапты.

Жергілікті төтенше жағдайлар штабының өкілдері таратқан хабарға қарағанда, өрт Юйшуй ауданындағы дүкенде сағат 15:00 шамасында басталған.

Сондай-ақ, агенттік мәліметінше, ҚХР төрағасы Си Цзиньпин өрттің себептерін тергеуді тапсырып, қауіпсіздік ережелерін бұзу жағдайларының алдын алуға бұйрық берді. Желіде куәгерлер жариялаған кадрларда ғимараттың үстінде түтін шығып, адамдар терезелерден секіріп жатқанын көруге болады.