Ұлыбритания генералы халықты ірі соғысқа дайындалуға шақырды

Британ бас штабының бастығы, генерал Патрик Сандерс Ұлыбритания бұдан былай шағын кәсіби армияға сене алмайтынын және кең ауқымды құрлық соғысы жағдайына "азаматтар армиясын" дайындауы керек екенін мәлімдеді.

Сәрсенбіде Лондонда өткен брондалған машиналар жөніндегі халықаралық конференцияда осы тезиспен сөйлеген генерал Сандерс бұл соғыс Ресеймен болады деп тікелей айтқан жоқ, бірақ Ұлыбританияның одақтастары Еуропаның шығысы мен солтүстігінде ресейлік қауіпті тойтаруға дайындалып жатқанын атап өтті.

"Бізге бірінші эшелонды шығару, екінші эшелонды қамтамасыз ету және келесі азаматтар армиясын оқыту және жабдықтау үшін тез өсуге бейімделген армия қажет", - деді Генерал Сандерс.

Британ баспасөзі "азаматтар армиясы" деп бас штаб бастығы әскери қызметке шақыруды енгізуді білдірмейтінін — оған Үкімет қатты қарсылық білдірген — керісінше, резервті дайындау және армияда тез жұмылдыруға, қарулануға және адам саны түріндегі күштерді пайдалануға мүмкіндік беретін құрылымды құру екенін жазған.

"Бізге бірінші эшелонды шығару, екінші эшелонды қамтамасыз ету және келесі азаматтар армиясын оқыту және жабдықтау үшін тез өсуге бейімделген армия қажет", - деді генерал Сандерс.

Британдық бас штабтың бұл лауазымнан маусым айында кететін басшысы ұзақ уақыт бойы британ армиясының қысқаруын тоқтатып, процесті кері жүргізуді жақтады. Оның пікірінше, алдағы үш жылда қарулы күштердің санын қазіргі 73 мыңнан 120 мыңға дейін арттыру керек, бірақ бұл да жеткіліксіз болады.

"Біздің Шығыс және Солтүстік Еуропадағы ресейлік қауіп-қатерді көбірек сезінетін көреген достарымыз қазірдің өзінде жалпы жұмылдырудың негізін қалап жатыр", - деді генерал.

"Біздің елдеріміз қажет болған жағдайда әскери режимге көшуі үшін дайындық қадамдары дәл қазіргі кезде жай ғана қажет емес, ауадай қажет. Біз әркімнің тісі бата бермейтін ел болып қалуымызға кепіл жоқ және соғысқа дейінгі ұрпақ ретінде біз де дайындалуымыз керек және бұл бүкіл ұлттың ісі болуы керек", - деді әскери басшы.

"Украинадағы [соғыс] тұрақты әскер соғысты бастайды және азаматтардан құралған әскер сол соғыста жеңеді деген тезисті әбден дәлелдеп берді", - деді Сандерс.

2022 жылы, Ресейдің Украинаға шабуылынан кейін көп ұзамай, генерал Сандерс Ұлыбритания агрессорға қарсы соғысқа дайын болмас үшін 1930-жылдарда алған сабақты еске түсіруі керек деген еді. Сол ескертулер мен әскерге көбірек ақша жұмсауға үндеулер мен басқа да жоғары дәрежелі британдық әскери, белсенді және отставкадағы адамдар мәлімдеме жасаған.

Генерал Сандерс сәрсенбіде сөйлеген сөзінде қырғи қабақ соғыс аяқталғаннан кейінгі 30 жыл ішінде британ қарулы күштері екі есеге, ал кейінгі 12 жылда 28 пайызға қысқарғанын еске салды.

Ұлыбритания премьер-министрі Риши Сунактың баспасөз хатшысы бас штаб бастығының мәлімдемелеріне түсініктеме бере отырып, болашақ қақтығыстардың болжамдағы сценарийлері туралы мұндай қоғамдық пікірлер зиян екенін мәлімдеп, елге міндетті әскери қызмет енгізу туралы ойды тағы да атап өтті.

Билеуші консерватив партиядан парламенттің аға депутаттарының бірі Би-би-си-мен сөйлескенде Риши Сунак Ресей тарапынан қауіптің ауырлығын толық түсінбейді деп болжады. Бұл депутаттың пікірінше, Риши Сунак Кеңес Одағының қаупі өте айқын болған қырғи қабақ соғыс атмосферасын сезінбеген болуы мүмкін. Михаил Горбачев билікке келген жылы Сунак бес жаста еді, КСРО құлаған жылы - он бірде болған.