Стамбұлда қаруланған адамдар шіркеуге шабуыл жасады: бір адам қаза тапты (видео)

Түркия ішкі істер министрі Али Ерликая елдегі католиктік шіркеуге қарулы шабуыл жасалғанын мәлімдеді. Қазіргі уақытта бір адам қаза тапқаны белгілі болды, деп жазады KAZ.NUR.KZ.

Түркия ІІМ басшысының мәлімдемесі Twitter-дегі парақшасында жарияланған.

Қайғылы жағдай жергілікті уақыт бойынша 11:40-та (Астана уақытымен 13:40-та) Ыстамбұлдағы Сарыер ауданда Санта-Мария шіркеуінде болған.

Али Ерликаяның ақпаратынша, қару ұстап, бетперде киген екі адам ер адамды атып кеткен.

"Аталған факт бойынша ауқымды тергеу басталды, полиция қаскөйлерді ұстау үшін барлық шараларды қолдануда", - деп мәлімдеі Ерликая.