Намибия президенті 82 жасында қайтыс болды

Намибия президенті Хаге Гейнгоб 82 жасында өмірден өтті. Ол қатерлі ісік ауруынан емделіп жатқан ауруханада қайтыс болған, деп хабарлайды президенттің кеңсесіне сілтеме жасаған KAZ.NUR.KZ.

"Бүгін, 2024 жылдың 4 ақпанында, шамамен сағат 12:04-те Намибия Республикасының президенті Хаге Гейнгобтың өзі ем қабылдап жатқан Lady Pohamba ауруханасында қайтыс болғанын қайғыра отырып, хабарлаймын", - делінген хабарламада.

Мәлімдемеде министрлер кабинеті президенттің қайтыс болуына байланысты "Қажетті үкімет шараларын қабылдау үшін дереу жиналатыны" атап өтілді.

Намибия ақпаратына сүйенсек, қаңтар айының басында Намибия президенті өзіне қатерлі ісік диагнозы қойылғанын хабарлады.

Содан кейін ол 25 қаңтарда емделуге АҚШ-қа ұшып кеткен.

Хаге Гейнгоб екі күн емделіп, 30 қаңтарда Намибияға қайта оралған.

Мәтіннен қате тапсаңыз, бізге жазыңыз