Навальныйдың өлімін әлем қалай қабылдады

Бүгін ресейлік оппозиция өкілі Алексей Навальныйдың колонияда көз жұмғаны белгілі болды. Бірқатар шетелдік көшбасшы саясаткердің өлімі туралы хабарға пікір білдірді.

Навальныйдың өліміне алғашқылардың бірі болып Латвия президенті Эдгар Ринкевич X желісіндегі парақшасында пікір білдірді.

"Алексей Навальный туралы не ойласаңыз да, оны Кремль айуандықпен өлтірді. Бұл факт және қазіргі ресейлік режимнің шынайы болмысын білуге болды. Оның отбасы мен жақындарына көңіл айтамын", - деді ол.

Украина президенті Владимир Зеленский де Алексей Навальныйдың Ресей колониясында қайтыс болғаны туралы қаралы хабарға қатысты ойын айтты.

"Жаңа ғана Алексей Навальныйдың ресейлік түрмеде өмірден өткені белгілі болды. Мыңдаған адам сияқты ол да Путиннің кесірінен көз жұмғаны белгілі. Оған кім қаза тапса да маңызды емес, өз позициясының сақталғаны маңызды.

Сондықтан ол ештеңе сақтамау керек. Путин жеңіліп, жасаған қастандығы үшін жауап беруі керек", - деп жазды оның сөзін "Украинская правда" басылымы.

Еуропалық кеңес басшысы Чарльз Мишель Навальныйдың "бостандық пен демократия құндылықтары үшін күрескенін, сол жолда құрбан болғанын" айтты.

"Еуропалық кеңес бұл қайғылы өлімге тек Ресей режимін ғана жауапты деп санайды. Мен оның отбасына қайғырып көңіл айтамын. Сондай-ақ ең ауыр жағдайда бүкіл әлемде демократия үшін күресіп жатқандарға да көңіл айтам", - деді ол.

Еуропалық парламент басшысы Роберта Мецола әлем ерлігі ұрпақтарына ұмытылмайтын жауынгерден айырылды деп жазды.

"Сахаров сыйлығының лауреаты Алексей Навальныйдың өмірден өткеніне қайғырамыз. Ресей оның бостандығы мен өмірін алды, бірақ абыройын емес. Оның демократия үшін күресі жалғасуда", - деді Мецола.

The Guardian газетінің хабарлауынша, НАТО-ның бас хатшысы Йенс Столтенберг ресейлік оппозиция жетекшісі Алексей Навальныйдың қайтыс болғаны туралы хабарға "қайғырып, алаңдағанын" жеткізді.

"Біз барлық фактіні анықтауымыз керек, ал Ресей оның өлімінің мән-жайы туралы барлық маңызды сұраққа жауап беруі керек", - деді ол.

Риши Сунак Twitter-дегі парақшасында Навальный "ерлік көрсетіп кетті" деп жазды.

Германия канцлері Олаф Шольц Алексей Навальныйдың түрмеде қайтыс болғаны туралы хабарды естігенде қайғырғанын айтты, деп хабарлайды DW.

"Ол ерлігі үшін өмірін құрбан етті", - деді ол.

Грузия президенті Саломе Зурабишвили Twitter-дегі Навальныйдың өліміне қатысты пікір білдірді.

"Алексей Навальныйдың өлімі - демократия мен адам құқықтарын қорғаушылар үшін қайғылы оқиға. Оның отбасына және Ресейде демократия үшін күресті жалғастырып жатқандарға көңіл айтамын", - деп жазды ол.

Францияның сыртқы істер министрі Стефан Сежурне Навальный "басқыншылық жүйесіне қарсылық көрсеткені үшін өмірін қиғанын" айтты.

"Оның колонияда қайтыс болуы бізге Владимир Путин режимінің шындығын көрсетті. Франция оның отбасына, жақындарына және Ресей халқына көңіл айтады", - деп жазды ол парақшасында.

Айта кетейік, бұған дейін Алексей Навальныйдың колонияда қайтыс болғанын хабарладық.

Кейін Кремль Навальныйдың өліміне қатысты пікір білдірді.