Дағыстанда терактіден қаза тапқандар саны артты

Дағыстанда теракт салдарынан қаза тапқандар саны 20-ға жетті. Марқұмдар жайлы ақпаратты елдің Денсаулық сақтау министрлігі Telegram-дағы парақшасында жариялады.

23 маусым күні Дағыстандағы терактіден қаза болғандар саны 20-ға жетті. Бұл туралы елдің денсаулық сақтау министрі Татьяна Беляева мәлімдеді.

"Кеше Махачкала мен Дербент қалаларында болған террористік актінің салдарынан 46 адам зардап шекті, олардың арасында бейбіт тұрғындар да, құқық қорғау органдарының қызметкерлері де бар. Өкінішке қарай, 20 адам қаза тапты, олардың арасында да құқыққорғау органдарының қызметкерлері мен бейбіт тұрғындар бар", - деді Беляева.

Министрдің айтуынша, қазір барлық қажетті медициналық көмек көрсетіліп жатыр. Жарақат алған жеті адамның да жағдайы ауыр деп бағаланып отыр.

"Бүгін стационарда емделіп жатқан барлық пациенттің жарақаты бойынша федерал орталықтармен телемедициналық консультациялар өткізілді. Пациенттерді қайта тексеріп, телемедициналық кеңес өткізген соң республикадан тыс жерге эвакуациялау туралы шешім қабылданады. Пациенттердің бір бөлімі ем қабылдауды жалғастыру үшін ведомстволық мекемелерге ауыстырылады", - деді Татьяна Беляева.

Мәтіннен қате тапсаңыз, бізге жазыңыз