Таяу Шығыстағы жағдайдың ұшығуы: Қазақстанның Израильдегі елшілігі өкілдері үндеу жасады

Израильдегі елшілік өкілдері сол елдегі Қазақстан азаматтарын қауіпсіздік шараларын барынша күшейтіп, байланыста болуға шақырды. Бұл туралы ведомствоға сілтеме жасаған KAZ.NUR.KZ хабарлайды.

Ескерту Елшіліктің Facebook-тегі ресми парақшасында жарияланды.

"Таяу Шығыстағы жағдайдың ұшығуына байланысты Қазақстанның Тель-Авивтегі Елшілігі Израильдегі барлық Қазақстан азаматтарына қауіпсіздік шараларын барынша күшейтуді, сақтық пен қырағылық танытуды, соңғы жаңалықтарды қадағалауды, сондай-ақ Қазақстан Елшілігімен байланыста болуды сұрайды", - делінген хабарламада.

Сондай-ақ Елшілік өкілдері Израильдегі Қазақстан азаматтары үшін жедел желі телефон нөмірлерін ұсынды.

Қазақстанның Израильдегі елшілігінің байланыс нөмірлері:

+972 (3) 503 78 85 (кезекші)

+972 53 635 19 83 (ұялы телефон, WhatsApp)

+972 55 273 38 13 (ұялы телефон, WhatsApp)

+7 700 111 31 96 (WhatsApp)

Мәтіннен қате тапсаңыз, бізге жазыңыз