Трамп әлде Харрис: АҚШ-та сайлау қарсаңындағы сауалнама нәтижелері жарияланды

Америка Құрама Штаттарындағы сауалнамаларға сәйкес, кей штаттарды Дональд Трампты қолдайтын сайлаушылардың пайызы президенттікке үміткер Камала Харриске қарағанда жоғары болған.

The Hill басылымының мәліметінше, штаттарда сауалнамаға қатысқан сайлаушылардың 48 пайызы Республикалық партияның кандидаты, бұрынғы президент Дональд Трампқа дауыс беретінін айтқан.

Демократиялық партияның кандидаты, вице-президент Камала Харриске келсек, бұл көрсеткіш 47 пайыз болған. Алайда 5 пайыз қатысушы ешқандай таңдау жасамаған.

Гарвардтың CAPS орталығының директоры Марк Пенн: "Трамптың ауытқымалы штаттарға назар аудару стратегиясы нәтижесін беріп отыр", - деді.

Сауалнама 11-13 қазанда жүргізілген.

Сонымен қатар соңғы ABC News жалпыұлттық сауалнамасына сәйкес, сайлаушылардың 50 пайызы Харриске дауыс берген, Трампты қолдағандар 48 пайыз болған.

Телеарнаның мәліметінше, сауалнама 4-8 қазан аралығында 2631 респондент арасында ағылшын және испан тілдерінде онлайн режимінде жүргізілген.

Айта кетейік, АҚШ президентін сайлау 2024 жылғы 5 қарашада өтеді және бұл ел тарихындағы 60-сайлау болады. Бұл сайлауда АҚШ-тың 47-президенті сайланады.