Нетаньяху резиденциясына дрон шабуыл жасады

"Хезболла" дрондары Израиль премьер-министрі Биньямин Нетаньяхудың Кесария қаласындағы резиденциясына шабуыл жасады. Саясаткер шабуыл кезінде ол жерде болмаған, деп хабарлайды KAZ.NUR.KZ.

Израиль премьер-министрінің кеңсесі оқиға салдарынан ешкім зардап шекпегенін мәлімдеді, деп жазады РИА Новости.

"БПЛА премьер-министрдің Кесариядағы резиденциясына қарай ұшырылды. Премьер-министр мен оның әйелі ол жерде болмаған, оқиға салдарынан зардап шеккендер жоқ", - делінген хабарламада.

Айта кетейік, таяуда ХАМАС саяси бюросының басшысы Израиль армиясының Газадағы операциясы кезінде өлтірілген болатын.