"Банкрот болады": Илон Маск АҚШ-қа қатысты болжам жасады

Америкалық кәсіпкер Илон Маск АҚШ-тағы жағдайға алаңдаушылық білдірді. Ол өзінің X әлеуметтік желісінде АҚШ-тың банкрот болу қаупі бар екенін мәлімдеді, деп хабарлайды KAZ.NUR.KZ.

Маск мемлекеттік шығындарға алаңдаушылық білдірді. Ол өз жазбасын осы мәселеге арнады.

"Егер мемлекеттік шығындарды түбегейлі қысқартпаса, онда тым көп қарыз алған адам сияқты Америка да банкрот болады", - деп жазды миллиардер.

Кәсіпкердің айтуынша, салық түсімдері қарыз бойынша пайыздарға кетіп, маңызды қажеттіліктерге ештеңе қалмайды.

Айта кетейік, бұған дейін Илон Маск АҚШ-тағы алдағы саяси оқиғаларға қатысты бірнеше батыл болжам жасаған болатын.

Мәселен, ол Камала Харристің президенттігі адамзат үшін апатты болатынын айтты, өйткені оның пікірінше, Марсты зерттеу бағдарламасы сайлаудан кейін тоқтатылады.

Қыркүйек соңында Маск АҚШ-тағы сайлауға қатысты тағы да пікір білдіріп, Трамп демократияға қауіп төндірмейтінін, оны құтқарудың жалғыз мүмкіндігі екенін мәлімдеген.

Мәтіннен қате тапсаңыз, бізге жазыңыз