Конгресс Трампты АҚШ президенті деп жариялады

АҚШ Конгресі Өкілдер палатасының спикері республикашыл Майк Джонсон Дональд Трампты АҚШ президенті деп жариялады. Бұл туралы KAZ.NUR.KZ РИА Новостиге сілтеме жасап хабарлайды.

Республикалық партия мүшесі және Өкілдер палатасының спикері Майк Джонсон Трампты президент ретінде таңдалғанын жариялады.

Fox News телеарнасының алдын ала мәліметі бойынша, Дональд Трамп АҚШ президенті болып сайлану үшін қажетті 270-тен астам дауыс жинап, қарсыласы Камала Харристі басып озды. Бұған дейін республикашыл кандидат "құбылмалы" штаттарда көш бастады.

Айта кетейік, АҚШ бойынша барлық сайлау учаскесі жабылды.

Еске салайық, АҚШ-та президент сайлауы 5 қарашада Астана уақыты бойынша сағат 16:00-де және жергілікті уақыт бойынша 06:00-де басталды. Бұл сайлау ел тарихындағы 60-президент сайлауы болып отыр. АҚШ-та 47-президент сайланады.

АҚШ-тағы президент сайлауының алғашқы нәтижелері жарияланды.

Бұған дейін АҚШ-та дауыс беру басталғанын, Трамп та, Харрис те жеңіске жететініне сенімді екенін жазан едік.

Кейін АҚШ-тың келесі президентін ұлықтау рәсімі қашан өтетіні белгілі болды.