101 жастағы жапон ханшайымы қайтыс болды

Императорлық үй басқармасы 101 жастағы жапон ханшайымы Юрико Микаса қайтыс болғанын жеткізді. Бұл туралы РБК-ға сілтеме жасаған KAZ.NUR.KZ хабарлайды.

Микаса 15 қарашада таңертең қайтыс болды. Ол императорлық отбасының ең жасы үлкен мүшесі болған.

Басылым мәліметінше, Юрико Микаса қазіргі император Нарухитоның атасы император Хирохитоның інісі – ханзада Такахитоның әйелі.

Осы жылдың наурыз айының басында ханшайым церебральды инфаркт және аспирациялық пневмония диагнозымен Токиодағы Әулие Луки халықаралық ауруханасына жатқызылған.

Ханшайымның 75 жыл отасқан күйеуі ханзада Микаса 2016 жылы дүние салған.

Юрико Микаса күйеуінің қазасынан кейін араға сегіз жыл салып дүниеден озды. Ол қайтыс болғаннан кейін жапон императорлық отбасы мүшелерінің саны 16-ға дейін қысқарды, деп жазады басылым.