Абхазия парламенті президент Аслан Бжанияның отставкасын қабылдады

Абхазия парламенті президент Аслан Бжанияның отставкасын қабылдады, бұл шешімге 28 депутат дауыс берді. Оның міндетін уақытша Бадра Гунба атқарады, деп хабарлайды РБК-ға сілтеме жасаған KAZ.NUR.KZ.

Басылымның мәліметінше, Абхазия парламенті президент Аслан Бжанияның отставкасын қабылдады. Бұл шешімді 28 депутат қолдап, 1 депутат қарсы болған.

Сондай-ақ қазіргі вице-президент Бадра Гунбаның Абхазия президентінің міндетін атқарушы болып тағайындалғаны хабарланды.

Еске салсақ, бұған дейін Абхазия президенті Аслан Бжания отставкаға кету туралы өтініш берген. Республика билігі мен оппозиция келіссөздер барысында осындай шешімге келген еді.

Айта кетейік, Абхазияда бір аптадан бері наразылық басылмай отыр. Барлығы 12 қарашада Ресеймен инвестициялық келісімді ратификациялауға қарсы болған бірнеше оппозиционердің ұсталуынан басталды. Олар ұсталған соң елде жаппай тәртіпсіздіктер басталып, республикалық жолдар жабылды.

Мәтіннен қате тапсаңыз, бізге жазыңыз