Мысырда батып кеткен яхтада қай елдердің туристері болғаны белгілі болды

Мысырдың Қызыл теңіздегі Марса Алам қаласының жағалауында суға батып кеткен яхтаның бортында 13 елден келген туристер болған. Бұл туралы РИА Новостиге сілтеме жасаған KAZ.NUR.KZ хабарлайды.

Ведомствоның мәліметінше, Қызыл теңіздегі Мысырдың Марса Алам қаласының жағалауында суға батып кеткен Sea Story яхтасынан 28 адам құтқарылды, тағы 17 адам жоғалған деп саналады.

"Қызыл теңіздің губернаторы Амр Ханафи Марса Алам қаласының оңтүстігінде Sea Story туристік яхтасының батып кетуіне байланысты оқиғадан қазір 28 адамның сәтті құтқарылғанын және із-түзсіз жоғалған 17 адамды іздестіру жұмыстарының жалғасып жатқанын хабарлады", - деп мәлімделді провинция үкіметі хабарламасында.

Суға батқан яхтаның бортында 13 елдің – Мысыр, Германия, Испания, Бельгия, Қытай, АҚШ, Словакия, Швейцария, Ұлыбритания, Польша, Норвегия, Ирландия және Финляндия азаматтары болған.

Айта кетейік, бұған дейін NUR.KZ редакциясы Қазақстанның Сыртқы істер министрлігінен яхтада біздің елдің азаматтары бар-жоғына қатысты мәлімет сұраған болатын.

Мәтіннен қате тапсаңыз, бізге жазыңыз