Трамп Трюдоға Канаданы Америкаға 51-ші штат ретінде қосуды ұсынды

АҚШ-тың жаңадан сайланған президенті Дональд Трамп премьер-министр Джастин Трюдоға Канаданы 51-ші штат етуді әзілмен ұсынды. Бұл туралы KAZ.NUR.KZ Fox News арнасына сілтеме жасап хабарлайды.

Fox News-тің дереккөздеріне сүйенсек, Трюдо өткен жұмада Трамптың Флоридадағы жеке резиденциясына күтпеген жерден ұшып келген. Оның мақсаты заңсыз мигранттар мен есірткі тасымалы мәселесіне байланысты Трамптың Канада мен Мексикаға тарифтер енгізуді жоспарлап отырғанын талқылау болған. Трамп пен Трюдоның кешкі асты бірге ішкені атап өтілді.

"Дереккөздер Трамп АҚШ-тың Канадамен, оның бағалауы бойынша ол 100 миллиард доллардан асатын, сауда тапшылығы туралы жандана айтқанын жеткізді. Сайланған президент премьер-министрге Канада шекара проблемалары мен сауда тапшылығын шеше алмаса, ол қызметке оралған бірінші күннен бастап барлық канадалық тауарларға 25 пайыздық баж салығын енгізетінін айтты", - деп жазады газет.

Трюдо бұл шаралардың Канада экономикасына ауыр соққы болатынын айтқан.

"Трамп: "Ендеше, сіздің ел АҚШ-ты 100 миллиард доллардан айырмаса, өмір сүре алмайды ма?" деп сұрады, содан кейін Трамп Трюдоға Канаданы 51-ші штатқа айналдыруды ұсынды, бұл премьер-министр мен басқалардың күлкісін келтірді", - делінген басылым жазбасында.

Сонымен бірге Трамп бұл жағдайда Трюдоның өзі штат губернаторы бола алатынын атап өтті.

"Дереккөздер оның сөзі көпшіліктің күлкісін тудырғанымен, Трамп 20 қаңтарға дейін жағдай өзгеретінін күтетінін анық айтты. Үш сағатқа жуық әңгіме басқа тақырыптармен жалғасты, ал канадалық қонақтар кешкі асты жақсы бағалады", - деп қосты материал авторлары.