Қытай АҚШ-қа қарсы санкция енгізді

Қытай Құрама Штаттарға қарсы санкция енгізгенін жариялады. Бұл туралы KAZ.NUR.KZ РБК сайтына сілтеме жасай отырып хабарлайды.

Осының алдында АҚШ-тың жаңадан сайланған президенті Дональд Трамп бүкіл қытай импортына баж салығын 10 пайызға көтеруге уәде берген. Пекин мұндай саясатпен келіспей отыр.

Осы жолы Қытай билігі әскери мақсатта пайдалануы мүмкін деп есептейтін материалдарды АҚШ-қа экспорттауға тыйым салды. ҚХР сауда министрлігінің мәлімдеуінше, галлий, германий, сурьма және тығыздығы жоғары материалдарды (нақты не екені айтылмайды) Құрама Штаттарға жеткізуге болмайды.

Қытай – ауқымы жағынан АҚШ-тың үшінші ірі сауда әріптесі. Оның алдында Мексика мен Канада ғана тұр.

Трамп бұған дейін ел басқарған уақытта Қытаймен "сауда соғысын" да жүргізген.

Қазан айында ол Мексима мен Канада тауарларына – 25, ал Қытай тауарларына 10 пайыз баж салығын енгізуге уәде берген.