Трамп болашақ командасына тоғызыншы миллиардерді шақырды

АҚШ-тың жаңа сайланған президенті Дональд Трамп миллиардер Томас Барракқа АҚШ-тың Түркиядағы елшісі қызметін ұсынды. Бұл туралы KAZ.NUR.KZ RBC сайтына сілтеме жасай отырып хабарлайды.

Бұған дейін Трамп сегіз миллиардерге өз әкімшілігінен қызмет ұсынып үлгерген. Олардың арасында әлемнің ең бай адамы Илон Маск та бар.

Жылжымайтын мүлік саласындағы инвестор Томас Баррак 2016 жылы сайлау науқаны кезінде Трамптың кеңесшісі болған.

АҚШ президентін сайлау 5 қарашада өтті. Саяси науқанда республикашыл Дональд Трамп вице-президент Камала Харристі жеңді. Дональд Трамп инаугурациясы 2025 жылы 20 қаңтарда өтеді.

Бұған дейін Трамп сегіз миллиардерге өз әкімшілігінен орын ұсынған: Илон Маск, Джаред Айзекман, Вивек Рамасвами, Джаред Кушнер, Уоррен Стивенс, Линда Макмэн, Говард Лютник және Келли Леффлер. Осылардың бәрінің ортақ байлығы 340 миллиард доллардан асады.

Мәтіннен қате тапсаңыз, бізге жазыңыз