Макрон француз үкіметін 73 жастағы Байруға сеніп тапсырды

Франция президенті Эммануэль Макрон "Демократиялық қозғалыс" партиясының жетекшісі Франсуа Байруды премьер-министр қызметіне тағайындады. Бұл туралы KAZ.NUR.KZ RBC сайтына сілтеме жасай отырып хабарлайды.

Францияда жаңа үкімет басшысы тағайындалғанын BFMTV Елисей сарайы таратқан мәліметке сүйене отырып жариялаған.

Енді жаңа премьер-министрге тез арада үкімет кеңсесін жасақтап, 2025 жылдың бюджетін мақұлдауға тиіс.

Байру 73 жаста. 2017-2019 жылдар аралығында әділет министрі, ал 1990-жылдары білім министрі қызметтерін атқарған.

Айта кетейік, 4 желтоқсанда парламент осыған дейінгі премьер Мишель Барнье үкіметіне сенімсіздік вотумын жариялап, ертесіне Макрон үкімет кеңсесін таратқан.

Барнье кеңсесі қыркүйектің екінші жартысында ғана жасақталған. Макрон үкіметтің жаңа басшысын сайлауға үш ай уақыт жұмсады. Себебі Ұлттық жиналыс депутаттарын сайлауда бір де бір партия басымдыққа ие бола алмаған еді.