Оңтүстік Корея парламенті президентке импичмент жариялауды қолдады
Опубликовано:
14 желтоқсанда Оңтүстік Кореяда қазіргі президент Юн Сок Ёлға импичмент жариялау ресми түрде қолдау тапты. Бұл туралы KAZ.NUR.KZ Оңтүстік Корея парламентінің Х желісіндегі парақшасына сілтеме жасап хабарлайды.
Оңтүстік Корея парламентінің X әлеуметтік желісіндегі ресми парақшасында жарияланған ақпарат тойынша президент Юн Сок Ёлға импичмент жариялау туралы заң жобасына 300 депутат дауыс берген:
- 204 дауыс беруші қолдады;
- 85 дауыс беруші – қарсы болды;
- үшеуі дауыс беруден қалыс қалды;
- сегіз дауыс жарамсыз деп танылды.
Айта кетейік, 3 желтоқсанда президент Юн Сок Ель елде әскери жағдай енгізген. Ол мұны конституциялық құрылымды "коммунистік күштерден" және Солтүстік Кореядан төнген қауіп-қатерден қорғау үшін қажет шара деп түсіндірген.
Оңтүстік Корея парламенті президент Юн Сок Ель енгізген әскери төтенше жағдай режимін алып тастауға дауыс берді.
Кейін Сеулдің жүз шақты тұрғыны Ұлттық ассамблея ғимаратының алдына жиналып, президент Юн Сок Ёльдің қызметтен кетуін талап етті.
Елдегі алты бірдей оппозиялық партиясы президент Юн Сок Ёльге қарсы импичмент жариялауды көздейтін заң жобасын ұсынды.
Оңтүстік Корея полициясы ел президенті Юн Сок Ельге қатысты тергеу жүргізе бастады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2200599-ongtustik-koreia-parlamenti-prezidentke-impichment-zhariialaudy-qoldady/