Күдікті – 15 жастағы қыз: АҚШ-тың Мэдисон қаласындағы мектепте атыс болып, үш адам қаза тапты

АҚШ-тың Висконсин штаты Мэдисон қаласындағы Abundant Life жекеменшік христиан мектебінде атыс болып, үш адам қаза тапты. Бұл туралы KAZ.NUR.KZ CNN телеарнасына сілтеме жасай отырып хабарлайды.

Оқиға жергілікті уақытпен дүйсенбі таңертең сағат 11-лер шамасында болған.

Қалалық полиция басшысының айтуынша, күдіктінің аты-жөні анықталды. Ол – 15 жастағы Натали Рапноу. Полиция дерегінше, күдікті өзін атып, ауруханаға бара жатқан жолда көз жұмған.

Бұған дейін ол христиан мектебінің бір оқушысы мен мұғалімін атып өлтірген, тағы алды адамды жаралаған.

"Атыс түрлі сынып оқушылары бірге оқитын класста болған", - деп мәлімдеді полиция басшысы Шон Барнс.

Полиция мәліметінше, атыс кезінде жараланған алты адамның екеуінің жағдайы ауыр. Бір мұғалім мен үш оқушының жарақаты жеңіл. Олардың екеуі ауруханадан шыққан.

CNN дерегінше, Мэдисон мектебіндегі атыс осымен 2024 жылы білім мекемесінде жасалған 83-шабуыл болып отыр.