"Молдованы өркендетуге бар күшімді жұмсаймын": Майя Санду екінші мәрте президент қызметіне кірісті
Опубликовано:
Молдовада қайта сайланған президент Майя Сандудың инаугурациясы салтанаты өтті. Екінші мәрте президент атанған саясаткер елін өркендету үшін бар күш-жігерін жұмсауға уәде берді. Бұл туралы KAZ.NUR.KZ BBC Орыс қызметіне сілтеме жасай отырып хабарлайды.
Кишиневтегі Республика сарайындағы ұлықтау салтанатына 500-ге жуық адам жиналды.
"Бар күш-жігерімді, білімімді Молдова Республикасын өркендетуге, Конституциясы мен заңдарын сақтауға, демкоратияны, адам құқықтары мен еркіндігін, сонымен бірге Молдова аумағының тұтастығын, бірлігін, тәуелсіздігі мен егемендігін сақтауға ант беремін", - деді президент.
Санду биыл қарашада өткен президент сайлауында жеңіске жетіп, екінші мәрте мемлекет басшысы атанды.
Оның билігі кезінде Молдова Еуроодаққа мүше болуға үміткер мәртебесіне ие болды. Жергілікті саясаттанушылар республика ұйымға 2030 жылы мүше болады деп үміттенеді.
Майя Сандудың мемлекет басшысы қызметіне кірісу салтанатына елдің бұрынғы президенттері Петр Лучинский мен Николай Тимофти қатысты.
Молдовада президент төрт жылға сайланады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2204354-moldovany-orkendetuge-bar-kushimdi-zhumsaimyn-maiia-sandu-ekinshi-marte-prezident-qyzmetine-kiristi/
Король Карл III рассказал об успехах своего лечения от рака. В будущем году интенсивность терапии снизитсяДемократы опубликовали еще несколько фото из архива Эпштейна. На них есть Трамп и другие знаменитостиВ Британии создали единую службу военной разведки. Это объясняется растущей угрозой со стороны России