Израильдің Газадағы соққысынан бес журналист қаза тапты
Опубликовано:
Изриальдің Газа секторының орталық аудандарына жасаған соққысынан кем дегенде бес журналист қаза тапты. Бұл туралы KAZ.NUR.KZ CNN телеарнасына сілтеме жасай отырып хабарлайды.
Телеарнаның жергілікті аурухана мәліметіне сүйене отырып хабарлауынша, Al-Quds Today Television телеарнасының сектордағы Al-Awda ауруханасы маңында тұрған автомобиліне бомба түскен.
Жергілікті журналистердің айтуынша, шабуыл кезінде телеарна журналистері Айман Әл-Джади, Фейсал Әбу Әл-Кумсан, Мұхаммед Әл-Ладаа, Ибрагим Әл-Шейх Әли және Фади Хассуна осы көлікте ұйықтап жатқан.
Өртенген автокөлік есігінде үлкен әріптермен "TV" және "PRESS" деп жазылған.
Al-Quds Today шабуылды айыптап, бес тілшісі «кәсіби қызметін атқарып жүрген уақытта қаза тапты» деп мәлімдеген.
Израиль әскерилері сектордағы Нусейрат ауданында «содырлар ұясына» шабуыл жасағанын растады.
Журналистерді қорғау комитетінің (CPJ) мәліметінше, былтыр 7 қазаннан бері Газа секторында, Батыс жағалауда, Израиль мен Ливанда кем дегенде 141 журналист пен БАҚ қызметкері қаза тапқан.
- Сирияның жаңа билігі бүлікшілер қаруды тапсыруға келіскенін мәлімдеді
- Израиль тарабы алғаш рет ХАМАС жетекшісі Исмаил Ханияның өліміне қатысы барын мойындады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2205191-izrailding-gazadagy-soqqysynan-bes-zhurnalist-qaza-tapty/