Қытайдағы жер сілкінісі: қаза тапқандар саны 95-ке жетті

Қытайдағы жер сілкінісі салдарынан, расталған деректер бойынша 95 адам қаза тауып, тағы 130 адам жарақат алды. Бұл туралы Синьхуа агенттігіне сілтеме жасап KAZ.NUR.KZ хабарлайды.

Ведомствоның мәліметінше, Қытайдың оңтүстік-батысында болған жер сілкінісінен қаза тапқандар саны 95-ке жетті. Келіп түскен жаңа ақпарат бойынша, тағы 130 адам әртүрлі ауырлықтағы жарақаттар алған.

Естеріңізге сала кетейік, бүгін таңертең 20 желтоқсанда Непал шекарасына жақын, Қытайдың оңтүстік-батысындағы Тибет автономиялық ауданында магнитудасы 7,1 болатын жойқын жер сілкінісі тіркелді. Жер сілкінісінің ошағы шамамен 10 шақырым тереңдікте болған.

Алғашқы сағаттарда қаза тапқандар саны 53 адам деп хабарланған еді. Алайда кейін бұл көрсеткіш артты. Сонымен қатар жарақат алғандар арасында жағдайы ауыр адамдар бары бірден ескертілді.

Көп ұзамай Қазақстан Президенті Қасым-Жомарт Тоқаев Қытай Халық Республикасының Төрағасы Си Цзиньпинге көңіл айту жеделхатын жолдады.