АҚШ әуежайында екі ұшақ соқтығысты (фото, видео)

Сәрсенбіде кешкі уақытта Нью-Йорктегі ЛаГуардия әуежайында бұрылу жолағында Delta Air Lines компаниясының екі ұшағы соқтығысты, деп хабарлайды ABC News арнасына сілтеме жасаған KAZ.NUR.KZ.

Басылымның хабарлауынша, Delta Air Lines әуекомпаниясының екі аймақтық ұшағы бұрылу кезінде төмен жылдамдықпен соқтығысты.

Алдын ала мәлімет бойынша, Endeavour ұшағы ұшу жолағына бара жатқанда оның қанаты сол әуежайға қонып, отырғызу қақпасына бағыт алған басқа Endeavour ұшағының фюзеляжына тиіп кеткен.

"Оның оң қанаты біздің ұшақтың тұмсығы мен кабинамызға тиіп кетті, алдыңғы әйнегімізді және кейбір экранымызды зақымдады", - деп келтіреді басылым әуе қозғалысын басқару жазбасындағы ұшқыштың сөзін.

Оқиға орнында түсірілген видео мен фото Х әлеуметтік желісінде жарияланды.

Two Delta Air Lines regional aircraft collide at low speed while taxiing at New York City's LaGuardia Airport.

Although a total of 93 people were involved in the incident, only one person, a cabin crew member, was injured.

According to reports, Endeavor flight 5155 was taxiing… pic.twitter.com/arYcTw0hGx

— Breaking Aviation News & Videos (@aviationbrk) October 2, 2025

Delta әуекомпаниясының хабарлауынша, бортсерік жеңіл жарақат алған, жолаушылар зардап шеккен жоқ. Бортсерік сақтық үшін жақын маңдағы ауруханаға жеткізілді, деп хабарлады әуежай өкілдері.

On the evening of October 1, 2025, two Delta Air Lines planes collided while taxiing at low speeds on the tarmac at New York's LaGuardia Airport.
The incident resulted in the wing of one aircraft detaching and damage to the nose of the other, with at least one injury reported… pic.twitter.com/VOE7XZvwey

— T_CAS videos (@tecas2000) October 2, 2025

Осыған ұқсас оқиға 24 қыркүйек күні кешке Мәскеудегі Шереметьево әуежайында болған еді. Зардап шеккендер жоқ.

Мәтіннен қате тапсаңыз, бізге жазыңыз