АҚШ 75 елдің азаматтарына иммиграциялық виза беруді тоқтатты: тізімде Қазақстан да бар

АҚШ иммиграциялық виза беруді тоқтатқан елдер тізімінде Қазақстан да бар. Тізімге 75 ел кірген, деп хабарлайды KAZ.NUR.KZ NBC News-ке сілтеме жасап.

Мемлекеттік департаменттің мәліметінше, АҚШ-та тұрақты тұрғысы келетін шетелдіктерге арналған иммиграциялық виза беру ғана тоқтатылады.

Бұл шешімнің уақытша жұмысшыларға, студенттерге немесе туристерге арналған қысқа мерзімді визаларға қатысы жоқ.

Трамп әкімшілігінің шешімі осы жылдың 21 қаңтарында күшіне енеді және Мемлекеттік департаменттің мәліметі бойынша, "АҚШ жаңа иммигранттардың америкалықтардың есебінен материалдық пайда көрмеуін қамтамасыз ете алғанға дейін" күшінде қалады.

Аталған тізімде Қазақстан да бар.

Айта кету керек, оған Армения, Әзербайжан, Беларусь, Ресей, Қырғызстан және Өзбекстан да енді.

Мәтіннен қате тапсаңыз, бізге жазыңыз