Трамп АҚШ Иранға қарсы ауқымды әскери операцияны бастағанын мәлімдеді

Жарияланған күні:28 ақпан 2026, 14:44

АҚШ президенті Дональд Трамп өзінің Truth Social әлеуметтік желісіндегі аккаунтында видео жариялап, АҚШ Иранға қарсы ауқымды операция бастағанын мәлімдеді, деп хабарлайды KAZ.NUR.KZ.

"Америка Құрама Штаттарының әскери күштері Иранда ірі операция бастады. Мақсат — Иран режимі тудыратын қауіптерді жою арқылы америкалықтарды қорғау. Олардың әрекеттері әскерлерімізге, базаларымызға және одақтастарымызға қауіп төндіреді", - деп атап өтті Дональд Трамп.

АҚШ президенті Иран "ешқашан ядролық қаруға ие болмайды" деп мәлімдеді.

"Біз олардың зымырандарын және зымыран өнеркәсібін жойып тастаймыз", - деді Дональд Трамп.

Еске салсақ, 27 ақпанда Қазақстанның Сыртқы істер министрлігі Иран төңірегінде шиеленістің сақталуына байланысты Қазақстан азаматтарына жағдай тұрақталғанға дейін Иранға барудан уақытша бас тартуды ұсынған болатын.

Ал 28 ақпанда Израиль қорғаныс министрлігі ЦАХАЛ Иранға алдын ала соққы жасағанын хабарлады.

Мәтіннен қате тапсаңыз, бізге жазыңыз