Иран Ұлттық қауіпсіздік кеңесінің хатшысы Әли Лариджанидің ұлымен бірге қаза тапқанын растады

Иранның Ұлттық қауіпсіздік кеңесінің хатшысы Әли Лариджанидің баспасөз қызметі оның ұлы Мортазамен бірге қаза тапқанын растады, деп хабарлайды РБК-ға сілтеме жасаған KAZ.NUR.KZ.

Басылымның жазуынша, Лариджани Пардис ауданындағы қызының үйінде күзет қызметінің бастығы болған ұлымен бірге қаза тапқан.

Сондай-ақ оның орынбасарларының бірі және бірнеше оққағары қайтыс болған.

"Ислам революциясының адал қызметшісі, адал ғалым, Ұлттық қауіпсіздік жоғары кеңесінің хатшысы, дәрігер Әли Лариджанидің қымбатты ұлы және жақтастарымен бірге азаппен қаза табуына байланысты қайғыра көңіл айтамын", - деді Иранның сот билігінің басшысы Голям Хоссейн Мохсени-Эжеи.

Естеріңізге сала кетейік, бұған дейін Израиль қорғаныс министрі Исраэль Кац Лариджанидің Иранға жасалған әуе соққысының салдарынан қаза тапқанын хабарлаған еді. Алайда Иран оның өлімін растаған жоқ.

Мәтіннен қате тапсаңыз, бізге жазыңыз