Иран әскерилері АҚШ-тың F-35 жойғыш ұшағын алғаш рет атып түсіргенін мәлімдеді

Ислам революциясы сақшылар корпусы алғаш рет америкалық бесінші буынның F-35 жойғыш ұшағын атып түсіргенін мәлімдеді, деп хабарлайды KAZ.NUR.KZ РИА Новости-ге сілтеме жасап.

РИА Новости Ислам революциясы сақшылар корпусының мәлімдемесін Иранның Fars ақпарат агенттігінен аударып жазған.

Иран әскерилерінің мәлімдеуінше, F-35 жойғыш ұшағын Ислам революциясы сақшылар корпусының жаңа озық әуе қорғаныс жүйесі атып түсірген.

Ислам революциясы сақшылар корпусының мәліметінше, Иранның әуе қорғаныс жүйелері мұндай ұшақты алғаш рет атып түсіріп отыр.

Айта кету керек, қақтығыс басталғанда Кувейтте америкалық жойғыш ұшақтың апатқа ұшырағаны туралы хабарлама тараған болатын. Ұшқыштар құлап бара жатқан ұшақтан катапульта жасап үлгерген.

Кейінірек "Эпикалық қаһар" операциясы барысында ұшып бара жатқан үш америкалық F-15E Strike Eagle жойғыш ұшағы Кувейт аспанында атып түсірілгені белгілі болды.

Мәтіннен қате тапсаңыз, бізге жазыңыз