Бүгін 20:30-да бүкіл әлем бойынша үйлерде, кеңселер мен көшелерде шамдар бір сағатқа сөнеді

28 наурызда Қазақстан тағы да жаһандық экологиялық бастаманың бір бөлігі болады — "Жер сағаты" акциясы өтеді. Бұл туралы Қазақстан Экология және табиғи ресурстар министрлігіне сілтеме жасаған KAZ.NUR.KZ хабарлайды.

Жергілікті уақыт бойынша сағат 20:30-да бүкіл ел бойынша үйлерде, кеңселерде және көшелерде шамдар бір сағатқа сөнеді.

"Жер сағаты" акциясы – Дүниежүзілік жабайы табиғат қорының (бұдан әрі-WWF) қамқорлығымен өткізілетін жыл сайынғы халықаралық оқиға. Акция барысында WWF әр адамды планетаның болашағына бей-жай қарамай, жарық пен тұрмыстық электр құралдарын бір сағатқа өшіруге шақырады; сонымен бірге әлемдегі ең танымал ғимараттар мен ескерткіштердің артқы жарығы сөнеді.

Айта кету керек, "Жер сағаты" акциясына бүкіл әлем бойынша 2 млрд-тан астам адам қатысады, акцияға 180 елден 7 000 қаланың тұрғындары қосылады. 2026 жылы "Жер Сағаты" халықаралық акциясы 19-рет, Қазақстанда 17-рет өтеді.

Акцияның мақсаты – планетаның табиғаты мен ресурстарына жауапкершілікпен қарау қажеттілігіне назар аудару. Жыл сайын елдегі акциялар кезінде символдық объектілерде жарықтандыру өшіріледі.

Олардың ішінде:

• "Бәйтерек" монументі
• "Астана Опера"
• Әзірет Сұлтан мешіті
• Тәуелсіздік Сарайы
• "Астана Арена" стадионы
• "Алау" мұз айданы
• "Қазақстан" қонақ үйі
• әл-Фараби атындағы ҚазҰУ және т.б.

Науқанды қолдағыңыз келсе, 28 наурызда сағат 20:30-да шамдар мен электр құрылғыларын бір сағатқа өшіріңіз.

Мәтіннен қате тапсаңыз, бізге жазыңыз