СІМ Түркияда жол апатынан қаза тапқан азаматқа қатысты ақпаратқа түсінік берді

Еліміздің СІМ Түркияның Анталия қаласында жол апатынан қаза тапқан 27 жастағы азаматқа қатысты түркиялық БАҚ-та тараған ақпаратқа түсінік берді.

"Түрік тарапының мәліметіне сәйкес, қаза тапқан адам Қырғызстанның азаматы", — деп хабарлады СІМ өкілдері.

Еске салсақ, Анталияның танымал курорттық аймағында қазақстандық азамат болуы мүмкін ер адам жол апатынан көз жұмған.

27 жастағы Кубат Аманбеков бес жұлдызды қонақүйлердің бірінде бармен болып жұмыс істеген. Ол велосипедпен кетіп бара жатқан кезде такси қағып кеткен. Ауыр жарақат алған жас жігіт оқиға орнында көз жұмған.

Алдын ала мәлімет бойынша, жол апаты 8 мамыр күні түнгі сағат үш шамасында Серик ауданындағы туристік жолда болған. Такси жүргізушісі түсініктеме беру үшін полиция бөліміне жеткізілген.

Басылым марқұм Қазақстан тумасы екенін, соңғы бірнеше жылда Түркияда жұмыс істеп жүргенін жазған.

Мәтіннен қате тапсаңыз, бізге жазыңыз