Германия әуе кеңістігінде екі ұшақ соқтығысты

Германияның оңтүстік-батысында екі шағын ұшақ соқтығысты. Полиция тергеу жүргізіп жатыр, деп хабарлайды KAZ.NUR.KZ РБК-ға сілтеме жасап.

Басылымның DPA ақпарат агенттігіне сілтеме жасап хабарлауынша, авиациялық оқиға Рейн-Неккар ауданындағы Хокенхайм қаласының үстінде, шамамен 800 метр биіктікте болған.

Белгілі болғандай, әуеде моторлы планер мен қозғалтқышы бар ұшақ соқтығысқан. Екі ұшаққа да аздап зақым келген, бірақ әрі қарай ұша берген.

Ұшқыштардың бірі Шпайер аэродромына бет алды, екіншісі Хокенхаймға қонды. Ұшақтардың бірінде жолаушы болған, ол да, екі ұшқыш сияқты, зардап шекпеген.

Полиция тергеп-тексеруді бастады, оқиғаның мән-жайы анықталуда.

Мәтіннен қате тапсаңыз, бізге жазыңыз