RU

Қашып кеткен шымкенттік олигархтың ұлы сот алдында жауап берді

Рассказать в Telegram Рассказать Вконтакте

Шымкентте Әл-Фараби аудандық сотында Жұмыспен қамту орталығының бұрынғы директоры, Түркістан облысының депутаты әрі жергілікті олигархтың ұлына қатысты сот тыңдалымы басталды деп хабарлайды KAZ.NUR.KZ.

олигарх

Асылжан Жамалбеков. Фото: Facebook

Жамалбековқа Қылмыстық кодекстің 371 бабы, 2 бөлімінде (Абайсызда ауыр зардаптарға әкеп соқтырған салғырттық) көрсетілген қылмысты жасады деген айып тағылған.

Алдын ала отырыста төрағалық етуші судья Мадияр Әбдірасілов бұл іс бойынша іс жүргізуді тоқтатуға немесе тоқтата тұруға себеп болатын жағдайлар жоқ екенін анықтаған.

Айыптау актісінің көшірмесі айыпталушыға уақытылы берілген.

Сотталушыға қатысты "үй қамауында ұстау" түріндегі бұлтартпау шарасы дұрыс таңдалған және оны жоюға немесе өзгертуге негіз жоқ.

Қылмыстық іс жүргізу кодексінің 67-бабына сәйкес, істе сот тағайындайтын айыпталушының қорғаушысы міндетті түрде қатысуы қарастырылған.

Сот ашық деп жарияланған, тыңдалым қазақ тілінде өтті.

Еске сала кетсек, Халықты жұмыспен қамту орталығының басшысы болған Асылжан Жамалбеков ұйымдасқан топ құрып, мемлекет қаржысын жымқырды деген күдікке іліккен еді. 2018 жылы олигархтың ұлына халықаралық іздеу жарияланған.

Асылжан Жамалбеков 437 млн теңгеден астам ақшаны жымқырды деп айыпталғаны хабарланған.

Биыл, 31 қаңтарда Жамалбековтың өз кінәсін мойындап, полицияға өзі келгені белгілі болды.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Қашып кеткен шымкенттік олигархтың ұлы сот алдында жауап берді
Mailfire view pixel