Түркістанда жарылыстың соңы ірі өртке ұласты (фото, видео)
Опубликовано:
Бүгін Түркістан қаласында жарылыс болып, артынан ірі өрт шықты деп хабарлайды KAZ.NUR.KZ.
Төтенше жағдайлар комитеті баспасөз қызметінің мәліметінше, бүгін кешкі сағат жеті шамасында Саттарханов көшесі бойындағы "ROYAL GRAND HOTEL" қонақ үйінің аумағында газ баллондарын тасымалдайтын "ЗИЛ" автокөлігі өртенген.
Салдарынан баллондардың бірі жарылған.
Жарылыстан кейін өрт алдын-ала деректер бойынша 1400 шаршы метрді құрайтын қонақ үйдің шатырына тараған.
Қаза болғандар мен жарақат алғандар жоқ.
Тілсіз жаумен күресуге Түркістан облысы төтенше жағдайлар департаментінің жеке құрамынан 70 адам мен 14 техника бірлігі жұмылдырылған.
Полиция қызметкерлері ғимарат аумағын қоршауға алды.
Қазіргі уақытта Түркістан облысының полициясы оқиғаның мән-жайын анықтауда. Сараптамалар тағайындалды.
Мақаланың түпнұсқасы: https://kaz.nur.kz/accidents/1815702-trkistanda-zarylys-pen-aukymdy-rt-boldy-foto-video/