Ақтөбе облысында жол апатынан жеті адам қаза тапты

Ақтөбе облысында жантүршігерлік жол апаты болып, салдарынан жеті адам көз жұмып, 4 адам зардап шекті. Бұл туралы ІІМ-нің Telegram-дағы POLISIA.KZ ресми жаңалықтар арнасы хабарлады, деп жазады KAZ.NUR.KZ.

Жергілікті полиция қызметі басқармасы бастығының орынбасары Айдос Құлжановтың айуынша, жол-көлік оқиғасы 22 қарашада Мұғалжар ауданы Елек ауылының жанындағы Ақтөбе - Астрахань тас жолында болған.

Белгілі болғандай, ВАЗ-2114 көлігінің жүргізушісі екінші жолдан басты жолға шығып, 43 жастағы жүргізушінің басқаруындағы Lada Largus автокөлігімен соқтығысқан. Lada қарсы бағыттағы Kia Sorento көлігімен соқтығысқан.

Апат салдарынан Lada Largus автокөлігінің жүргізушісі мен 6 жолаушы оқиға орнында қаза тапқан.

Сондай-ақ Kia автокөлігінің 4 жолаушысы дене жарақатын алған.

Еске сала кетейік, бұған дейін СҚО-да екі көлік соқтығысып, 4 адам қаза тапқан еді.