Ақтауда ұшақ апатына қарамастан әуежай жұмысын жалғастыруда
Жарияланған күні:
Ақтау қаласы әуежайы апатқа қарамастан, жұмысын жалғастыруда. Бұл туралы KAZ.NUR.KZ ҚР Көлік министрлігі хабарламасына сілтеме жасап хабарлайды.
"Ақтау қаласы әуежайы ашық, қалыпты режимде жұмыс атқаруда", - делінген министрлік хабарламасында.
Министрлік бұған дейін Ақтау қаласының маңында "Баку-Грозный" бағытындағы ұшақ апатқа ұшырағанын, әуе кемесінің Azerbaijan Airlines авиакомпаниясына тиесілі" екенін хабарлаған болатын.
"Алдын ала ақпаратқа сәйкес, бортта 37 Әзербайжан, 6 Қазақстан, 3 Қырғызстан, 16 РФ азаматы болған", - делінген хабарда.
Төтенше жағдайлар министрлігінің Telegram-дағы арнасынан белгілі болғандай, соңғы ақпаратқа сәйкес, 25 адам аман қалған, оның 22-сі ауруханаға жатқызылды. Жалпы ұшпқ бортында барлығы 67 адам, оның ішінде 5 экипаж мүшесі болған.
- Ақтаудағы ұшақ апаты: бортта болған жолаушылардың тізімі жарияланды
- Azerbaijan Airlines Ақтаудағы ұшақ апатына қатысты мәлімдеме таратты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/2204726-aqtauda-ushaq-apatyna-qaramastan-auezhai-zhumysyn-zhalgastyruda/
