Елордада салынып жатқан тұрғын үйден шыққан өрт салдарынан екі жұмысшы зардап шекті

Бүгін, 23 мамырда Астанада жаңадан салынып жатқан тұрғын үйден шыққан өрт кезінде екі адам зардап шекті, деп хабарлайды ҚазАқпарат.

Басылымның хабарлауынша, зардап шеккендер - аталған нысанның екі жұмысшысы.

"Оқиға орнында "103" бригадасы зардап шегушілерді қарады. Зардап шеккендердің бірі 1991 жылы дүниеге келген азаматтың қолының 2 пайызын, ал 1992 жылы дүниеге келген екінші жұмысшының бетінің 1 пайызын күйік шалған. Зардап шегушілер дәрігерлер қарағаннан кейін ауруханаға барудан бас тартты", - дейді басылымға Астана қалалық төтенше жағдайлар департаменті өкілдері.

Еске сала кетсек, бүгін, 23 мамырда елордада салынып жатқан нысандардың бірінің аумағында өрт шыққан болатын.

Мәтіннен қате тапсаңыз, бізге жазыңыз