Балқашта бір жасар сәби екінші қабаттың терезесінен құлап кетті

Балқаш қаласында бір жасар бала екінші қабаттың терезесінен құлап кетті. Сәби ауруханаға жатқызылды, деп хабарлайды Ekaraganda сайты.

Басылым мәліметінше, оқыс оқиға бүгін 6-шағынауданда болған.

Үлкендердің қарауынсыз қалған бір жасар бала бес қабатты тұрғын үйдің екінші қабатындағы терезеден құлап кеткен. Сәби ауруханаға жатқызылған.

Осы орайда Қарағанды облыстық ТЖД ата-аналарды балаларды қараусыз қалдырмауға шақырады.

Айта кетейік, бұған дейін Шығыс Қазақстан облысының Алтай ауданындағы балабақшалардың бірінде бүлдіршіннің терезеден құлап кеткенін жазған едік.

Мәтіннен қате тапсаңыз, бізге жазыңыз