Алматыдағы лай көшкіні: апат орнының әуеден түсірілген суреттері (фото, видео)

Алматы қаласы Медеу ауданының "Тау-Самал" шағын ауданындағы сел жүрген аумаққа іздестіру-құтқару жұмыстары жалғасып жатыр. Оқиға орнына KAZ.NUR.KZ фототілшісі барып, әуеден сурет пен видео түсірді.

Оқиға орнына барған NUR.KZ фототілшісі сел жүрген аумақты әуеден түсіріп алды.

Алдын ала ақпарат бойынша, сел жүргені салдарынан қираған үйдің астынан бір адам өлі табылған. Алайда құтқарушылар үйде тағы үш адам бар болуы мүмкін деген ақпараттан кейін іздеу жұмыстарын жалғастырып жатыр.

ТЖМ құтқарушылардың оқиға орныдағы іздестіру-құтқару жұмыстарынан фото-видео жариялады. Құтқару жұмыстары жалғасып жатыр.

Алматыдағы лай көшкіні

Еске салайық, бүгін, 8 ақпанда сағат 02.20-да Алматы қаласы Медеу ауданының "Тау-Самал" шағын ауданында алдын ала ақпарат бойынша техногендік сипаттағы топырақтың ылғалдануынан лай көшкіні жүрген.

Алдын ала ақпаратқа сәйкес, үйлерде төрт адам, оның ішінде екі бала болған. Жақын маңдағы үйлердің тұрғындары үшін №47 орта мектепте эвакуациялық пункт ашылды.

Сондай-ақ Алматы әкімі Ерболат Досаев лай көшкініне байланысты техногендік апат болған жерге барып, қираған үйлерді аралады.

Оқиғадан бір адам қаза тапқаны белгілі болды. Ол - 2007 жылғы бозбала. Үйінді астында тағы да адам болуы мүмкін.