Ресейде автобус өзенге құлап кетті: қаза тапқандар саны хабарланды (видео)

Бүгін, 10 мамырда Санкт-Петербургте жолаушылар мінген автобус көпірден Мойка өзеніне құлады, ішінде 15 адам болған. Оқиға салдарынан 4 адам қаза тапқаны белгілі болды, деп хабарлайды Риа Новости агенттігі.

"Санкт-Петербургте автобус өзенге құлап, салдарынан төрт адам қаза тапты, екі қылмыстық іс қозғалды: жол қозғалысы ережелерін бұзғаны және қауіпті қызмет көрсеткені үшін", - деп жазды агенттік тілшілері.

ТАСС агенттігі Санкт-Петербургте автобус өзенге құлап, үш жолаушы қаза тауып, алты адам ауруханаға жеткізілгенін хабарлаған болатын.

Mash Telegram-дағы арнасында апаттан кемінде төрт адамның қаза тапқанын хабарлады. Тағы төртеуі клиникалық өлім жағдайында екенін жазған.

Айта кетейік, 10 мамырда түскі бір шамассында Санкт-Петербургте автобус көпірден Мойка өзеніне құлады, ішінде 20-ға жуық адам болғаны хабарланды. Ресей ІІМ Бас басқармасы адамдар құтқарылып жатыр деп мәлімдеген еді.

Мәтіннен қате тапсаңыз, бізге жазыңыз