Павлодарда өрт орнынан ер адамның денесі табылды (видео)

Бүгін таңертең Павлодарда ғимаратта өрт сөндірілді, одан газ баллондары шығарылды. Оқиға орнында ер адамның денесі табылды, деп хабарлайды KAZ.NUR.KZ өңірлік ТЖД-ға сілтеме жасап.

Ведомствоның Instagram-дағы ресми парақшасында жарияланған ақпаратқа сәйкес, 20 қараша күні сағат 07:46-да Павлодар қаласы Бекмаханов көшесіндегі ғимараттардың бірінде өрт шыққаны туралы хабарлама түскен.

Оқиға орнына дереу шыққан өрт сөндірушілер жеке тұрған ғимарат жанып жатқандығын анықтаған.

Өртті жою барысында өрт сөндірушілер сыртқа 2 газ баллонын алып шықты. Өрт 15 шаршы метр аумақта жедел сөндірілді.

"Оқиға орнынан ер адамның денесі табылды. Өрттің себебі анықталып жатыр. Шақырту орнында төтенше жағдайлар департаментінің 15 қызметкері мен 5 техникасы, АМО жұмылдырылды", - делінген хабарламада.

Посмотреть эту публикацию в Instagram

Публикация от Instagram

Еске салсақ, Шымкентте жеке тұрғын үйден өрт шыққаны туралы хабарлаған болатынбыз.

Еңбекші ауданы Ақбастау көшесі бойындағы екі қабатты жеке тұрғын үйдің екінші қабатында өрт шықты.

Мәтіннен қате тапсаңыз, бізге жазыңыз