Атырауда жылу трассасы маңынан екі адамның денесі табылды

Атырауда көпқабатты үйдің артындағы жылу трассасынан ер адам мен әйелдің денесі табылды. Олардың денесінде ешқандай көзге көрінетін жарақат болмаған. Бұл туралы KAZ.NUR.KZ облыстық полиция департаментіне сілтеме жасап хабарлайды.

Облыстық полиция департаментінің мәліметінше, 2024 жылғы 27 қарашада жылу трассасынан 42 жастағы әйел мен 34 жастағы ер адамның денесі табылған.

"Қазір сот-медициналық сараптама жүргізіліп жатыр", - делінген Атырау облыстық полиция департаменті хабарламасында.

Оқиғаның нақты себебі сараптама нәтижесінен кейін белгілі болады.

Бұған дейін Атырау облысында өзенде белгісіз ер адам өлі табылғанын жазған болатынбыз. Қайтыс болған адам өткен жылдың маусым айында Жайықта суға батып кеткен 2008 жылы туған жасөспірім болуы мүмкін деп болжанып отыр. Сол кезде жоғалған жасөспірім табылмаған еді.

10 сәуірде полицияға Оралдағы зауыт аумағында бір адам жатқаны туралы қоңырау түскенін еске саламыз. Оқиға орнына келген тәртіп сақшылары еуропалық келбеттегі ер адамның денесін тапқан.

Одан бөлек Ақтауда ықшамаудандардың бірінде ер адамның денесі табылды. Маңғыстау облысы полиция департаменті ақпараты бойынша, сот-медициналық сараптама тағайындалды.