Кәрім Мәсімов апелляциялық шағым түсірді

Ұлттық қауіпсіздік комитетінің бұрынғы басшысы Кәрім Мәсімов сәуір айының соңында шыққан сот үкіміне қатысты апелляциялық шағым түсірді, деп хабарлайды Астана сотының баспасөз қызметіне сілтеме жасаған KAZ.NUR.KZ.

"Апелляциялық шағым түсірілді, бірақ іс әлі апелляция соты түскен жоқ. Іс "Аса құпия" белгісімен қаралғандықтан, басқа мәліметтер жария етілмейді", - деді елордалық сот өкілдері.

Еске салайық, 24 сәуірде Астана сотында Кәрім Мәсімовке қатысты сот үкімі шыққанын хабарлаған едік. Ол 18 жылға сотталды.

Сотта Мәсімов пен оның орынбасары Садықұловқа мемлекетке опасыздық жасау (ҚК-тің 175-бабының 1-бөлігі), билікті күшпен басып алу (ҚК-тің 179-бабының 3-бөлігі) және билік пен лауазымдық өкілеттігін (ҚК-тің 362-бабының 4-бөлігінің 3-тармағы) асыра пайдалану бойынша кінәлі деп танылған болатын.