Павлодарда Қытай азаматтары су жануарларын пәтер ішінде өсірді деген күдікке ілінді

Павлодар қаласында елден әкетуге тыйым салынған су жануарларын өсіру бойынша зертхана ұйымдастырды деген күдікпен қытайлық екі азамат ұсталды. Бұл туралы Telegram-дағы ІІМ жаңалықтары арнасы хабарлады.

Ведомство мәліметінше, ұсталған қытайлық азаматтар Қазақстанға биыл жаздың ортасында келген.

Тәртіп сақшылары олардың Усол шағын ауданындағы жалдамалы пәтерінен қоңыр түсті ұнтақ пакеттерін, түтіктер мен сұйықтықтары бар шыны аквариумды тапқан.

Сондай-ақ Қытай азаматтары полиция қызметкерлеріне үй жағдайында елден әкетуге тыйым салынған су жануарларын қалай өсіргенін және оны қайда апарғандарын айтып берген.

Құзырлы орган қазіргі таңда аталмыш факті бойыша Қылмыстық кодекстің 335-бабы 1-тармағының 1-бөлігі бойынша сотқа дейінгі тергеу жүргізіліп жатқаныны атап өтті.