Алматы облысында қару-жарақ арсеналы жасырылған үш орын анықталды (фото)

Алматы облысынан қару арсеналы жасырылған үш орын анықталды. Бұл туралы Ұлттық қауіпсіздік комитетіне сілтеме жасаған KAZ.NUR.KZ хабарлайды.

6-9 ақпан аралығында Ұлттық қауіпсіздік комитеті Бас прокуратураның үйлестіруімен жедел-іздестіру іс-шаралары шеңберінде Алматы облысында қару-жарақ арсеналы жасырылған үш орынды анықтады.

Тексеру нәтижесінде 4 Калашников автоматы мен оған 3 оқжатар, Макаров тапаншасы, карабин, аңшы мылтығы, сондай-ақ әртүрлі калибрдегі 65 патрон тәркіленді.

Алдын ала деректер бойынша, табылған қару "Қаңтар оқиғасы" кезінде ұрланған.

Сотқа дейінгі тергеп-тексеру жүргізілуде.

Айта кетсек, бұған дейін 24 қаңтарда Ұлттық қауіпсіздік комитеті Алматы қаласында қару арсеналы жасырылған орынды анықтаған болатын.

Мәтіннен қате тапсаңыз, бізге жазыңыз