Ақмола облысында екі жасар баланың денесі ауладан табылды: тағы бір күдікті қамауға алынды

Ақмола облысының Щучье қаласында асырап алған екі жасар баланы азаптап өлтірді деген күдікпен енді 29 жастағы әйел қамауға алынды. Бұл туралы КТК арнасы хабарлады.

Телеарна мәліметінше, Шучье қаласында екі жастағы асыранды баланың денесі ауладан табылған. Оны бағып алған отбасы төрт жыл бұрын үйінің алдына көміп тастапты.

Бірақ осы уақытқа дейін оны ешкім білмеген. Бұл қылмыс аяқасты әшкере болдған. Бес баланы асырап алған отбасындағы бір балақай ауруханаға түседі.

Сол кезде қамқоршысы шатасып өлген баланың туу туралы куәлігін көрсеткен. Осыдан кейін тексеріс басталып, асырандылардың бірі төрт жыл бұрын көз жұмғаны анықталды.

Осы қылмысқа қатысы бар деген күдікпен 60 жастағы әжелері қамауға алынған еді. Енді "азаптау" бабы бойынша 29 жастағы балалардың қамқоршысы тұтқындалды. Төрт жыл бойы асырандылардың өлі-тірісін білмеген тиісті мекемеге де қатысты тергеу басталды.

Еске сала кетсек, бұған дейін Ақмола облысында әжейдің бақшасынан кішкентай баланың денесі табылғанын жазған едік.

Сол кезде ПД факт бойынша қылмыстық іс қозғалып, кісі өлтірген күдіктінің қамауға алынғанын хабарлаған болатын.

Мәтіннен қате тапсаңыз, бізге жазыңыз