Алматы облысында теміржолдан ер адамның денесі табылды: күдікті ұсталды

Алматы облысында теміржол бойында адамның жансыз денесінің табылуына қатысты қылмыстық іс қозғалды. Күдікті ұсталды, деп хабарлайды облыстық полиция департаментіне сілтеме жасаған KAZ.NUR.KZ.

Алматы облысы полиция департаментінің баспасөз қызметі өкілдерінің хабарлауынша, жедел-іздестіру іс-шараларының нәтижесінде 49 жастағы күдікті ұсталып, уақытша ұстау изоляторына қамалды.

"Қазіргі уақытта қылмыстың мән-жайын объективті түрде тергеуге бағытталған барлық қажетті тергеу жүргізіліп жатыр", - деп пікір білдірді департаменттегілер.

Бұған дейін Қазақстан теміржолы компаниясы өкілдері 7 мамырда сағат 20.52-де Қайрат - Байсерке аралығында (Сарыөзек - Алматы учаскесі) жүк пойызы бөгде адамның темір жолға шығып кетуіне байланысты қозғалысын дереу тоқтатып, тежегішке басқаны туралы хабарлаған еді.